Police-in ILP nei lo mi 83 man

Aizawla police station-te chuan March 9 leh 10 khan khan Inner Line Permit (ILP) endik rûnpui an nei a, ILP nei lo hnam dang 83 an man.

Aizawl South SDPO F Lalbiak­zauva sawi danin, Bawngkawn Police Station leh Bawngkawn Branch YMA ṭangrual chuan March 10 khan an huam chhunga hnam dang awmte an enfiah a, ILP nei lo mi 23 an man chhuak. Inrinni khan Aizawl PS, Kulikawn PS, Vaivakawn PS leh Lungmual Outpost-te pawhin an huam chhung ṭheuhah hnam dangte an enfiah a; ILP nei lo 60 an man.

ILP nei lo hnam dangte hi Court-ah hruai an ni a, Court-in an khuaa thawn let tura a tih hnuah, Inrinni tlai khan police motor-in an khaw lamah thawn haw an ni.