Forest Minister-in tuikhuah mek a tlawh

Environment, Forest & Climate Change (EFCC) minister TJ Lalnuntluanga chuan nimin khan Non Lapsable Central Pool of Resources (NLCPR) kaltlanga Champhai khawpui bula Keilungliah tuikhuah hnathawh mek a tlawh. Tuikhuahna atan cheng nuai 1,988 ruahman a ni a, hna thawh tur zinga 94% thawh zawh a ni tawh.

TJ Lalnuntluanga chuan, Keilungliah tuikhuah chu Cham­phai khawpui leh a chheh­velte tan mai ni lo, Mizoram tana chhen­fâkawm tak tur a nih thu sawiin, "A puitlin theih nana sorkar hma­sa aṭang tawha hmalak­na­te ṭhahnemngai taka kalpui chhun­zawm zel a ni," a ti a, sorkar hotute leh khawtlang hruaitute hma­lakna lawmawm a tih thu sawi.

Keilungliah tuikhuah hna hi kum 2018-ah ṭan a ni a, March 2020-a zawh tura tih a ni. Hun tiamah zawh hman a ni lo a, kum hnih atan pawhsei a ni.