Thlalak zirna sikul Hmasa ber hawng

Mizorama thlalak zirna sikul hmasa ber, Mizoram School of Photography, Sikul­puikawna din thar chu nimin khan MLA Vanlal­zawma'n a hawng.

Vanlalzawma chuan, Mizorama thlalak zirna sikul hawn a ni ta chu Mizoram chanchinah a pawimawh hle tih sawiin, "Mizoram history kan siamin ka hria, ṭhalaite tan hmasawnna a ni. Mizote'n thlalak kan tuipui vek mai a, Mizoram mamawh tak niin ka hria. Thlalak hi a zir theih a, talent neih ngaite ni bawk mah se, zir na nâ nâ chuan thiam theih a ni ngei ang," a ti.

Mizoram School of Photography hi Sikulpuikawn, Republic Road-ah din a ni a, a dintu leh director chu Malsawmtluanga a ni. A dintu hi National Aca­demy of Photography, Kolkata-a Professional Course in Photography leh Kolkata Film and Telivision Institute, Kolkata-a Videogra-phy & Film Editing course zir chhuak a ni a; Persona International Photographer member a ni bawk.

Course khat hi thla thum chhung zir a ni a, course khat zir man chu Rs. 10,500 a ni.