Vawiinah Assembly session ṭan dawn

Mizoram Legislative Assembly budget session chu vawiin chawhma dar 10:30 hian Assembly House-ah ṭan a ni dawn. Session hian March 30, 2017 thleng a awh dawn a ni.

Session ṭan ni hian Governor Lt. Gen. Nirbhay Sharma-a'n Assembly House-ah thu a sawi ang a, a sawi zawh­ah a thusawia lawmthu sawina put lut a ni ang a, session titawp nghal a ni ang.

Tun ṭum session-ah hian kum 2017-18 chhunga Mizoram budget tur budget puitling pharh tum a ni a, Finance Minister-in March 16-ah ang a, session tàwp ní, March 30-ah pass tum a ni.

Session atan hian nimin tlai thleng khan zawhna House-a káa chhàn chi (starred question) 421 leh ziaka chhan chi (unstarred question) 73 a lut tawh a; paper pharh tur 10, private resolution 75 leh bill pakhat a lut tawh bawk. Bill lut hi 'The Mizoram Land Acquisition Rehabilitation and Resetllement (Ammendment) Bill, 2017' a ni.

Assembly Secretariat hotute hnen aṭanga thu dawn danin session neih apiangin MLA-te chuan dearness allowance (DA) ni khatah Rs. 700 an la ṭhin a, chief minister Lal Thanhawla, speaker Hiphei leh dy. speaker R Lalrinawma ten an la ngai lo.