Bible Society of India (BSI) building ṭhiat

Bible Society of India (BSI) building chu a bul kawngpui a khîk nasat avangin ṭhiah ṭan a ni. BSI Aizawl Auxiliary secretary Upa Thangnghilhlova hnen aṭanga thu dawn danin, BSI building hi sorkar lamin sorkar sum sêngin an ṭhiat a, March 8, 2017 aṭangin ṭhiah ṭan a ni. Vanglaini palai zawhna chhangin BSI Secretary chuan, BSI building sak ṭhat lehna turah sorkar nen an indawr reng tih a sawi a, "A hmun ngaiah sak ṭhat theih a ni dawn em tih la enfiah a ngai a. A hmun ngaiah sak ṭhat theih a nih loh chuan Aizawl hmun laili-ah hmun min pe turin kan ngen a, thutlukna mumal erawh kan la nei lo," a ti.