Zirtirtu thate hmun khata dah tum

Parliamentary secretary (School Education) Joseph Lalhimpuia chuan, School Education department-in zirtirtu ṭha-te model school-ah dah khawm a tum thu a sawi.

Nimina Baptist Higher Secondary School (Junior Section), Serkawn a tlawhnaah thu sawiin Joseph Lalhimpuia chuan, "Zirtirtu ṭha ṭhate model school-a sawn khawm tum a ni. Model school-ah hian school uniform inang vek nei tura rua­hmanna siam a ni a, discipline ṭha tak hnuaiah zirlai naupangte enkawl an ni ang," a ti.

Joseph Lalhimpui­a hi Mizoram Baptist Kohhran assistant general secretary (i/c Education) Rev. Zohmingliana leh Mizoram ṬKP organiser Rev. Lianchhunga Khiang­te ten an dawngsawng a; sikul tan photocopier (xerox machine) pakhat leh infiamna hmanrua chi hrang hrang a pe.

Baptist HSS-ah hian nursery aṭanga pawl 12 thleng zir theih a ni a, zirlai 900 chuang leh thawktu 50 vel an awm mek a ni.