LADC caretaker charge la

LADC-a executive member (EM) ṭhen­khat an bàn avangin Governor-in LADC Executive Committee a titawp (suspend) rih a, hei vang hian nimin khan Lawngtlai DC mawhphurhna la mektu additional DC H Dolianbuaia chuan Governor thupek angin LADC sorkara thuneihna a keng (caretaker) rih.

H Dolianbuaia hian nimin khan LADC CEM conference hall-ah officer-te kâwmin, LADC kal zel dan tur a sawi­pui nghal a; LADC sorkarah hriat lâwk loh harsatna thleng mah se, a hnathawh a buai ve mai a rem lo tih sawiin, "Sorkar hnathawkte chu mipuite hamṭhatna tura thawk an nih avangin LADC pawh tluang taka a kal zel a ṭul," a ti a, LADC officer-te chu thawhhopuiah a sáwm.

Meeting-ah hian, LADC sorkara buainain mipui himna tiderthawng thei boruak muanawm lo a thlen loh nana hmalak dan tur sawiho a ni a; boruak ṭha lo thlen rinawm loh mah se, police duty erawh indah tho ṭha an ti a, "Hna kal mekte a buai loh nan Caretaker hian ama thuneihna chinah tluang takin hna thawk zel se," an ti.

H Dolianbuaia hi SDO (Sadar) V Laldinsanga leh SDPO Saidingliana Sailo-te'n an ṭawimawm a ni.