MG Road-a tlân dan tihdanglam a ni

Traffic SP C Lalthan­mawia chuan thupek chhuah­in, MG Road kawng­pui khîk avanga lirthei tlan danah rua­hmanna thar a siam a; lirthei tê chi tan chhim lam aṭanga hmar lam panin tlân tlang theih a ni tawh dawn.

Traffic SP tarlan danin, MG Raod, Khatlaah hian LMV leh a aia tête tan chhim lam Sikulpuikawn aṭanga hmar lam Treasury Square lam panin tlan tlang theih a ni a, LMV aia lian, MMV chin tan tlan tlang phal a ni lo. Chhim lam (Sikulpuikawn lam) pan turte erawh chu two wheeler chiah tlân tlang phal a ni thung.

Traffic SP thuchhuah chuan, "Hetiang hi tuna MG Road dinhmun a nih avangin, hetiang hian ruahmanna siam ni mah se, a theih hram chuan LMV hmar lam aṭanga chhim lam pana tlân tlang tur tan chuan Treasury Square via Pi Pangi peng, Upper Republic kawng lamah emaw, Tennis Court via Khatla kâwn lamah emaw tlan theih tho a ni," a ti.

Ruahmanna thar hi nimin khan hman ṭan nghal a ni a; hei hian chhiatrupna thil, kângmei leh rîkrum kaihhnawiha duty-te leh dan leh thupek pawimawh bika duty-te chetvelna erawh a huam lo.