Hnam Chhantu Pawlin Vanapa Hall-ah Spring Fair 2017 nei mek

Hnam Chhantu Pawl buatsaih, Spring Fair 2017, Handloom and Handicrafts Exhibition chu nimin khan Plan­ning secretary Dr C Van­lalramsanga'n a hawng.

Dr C Vanlalramsanga chuan, Hnam Chhantu Pawl hnathawh chu ropui a tih thu sawiin, Mizo hnam chhan nana puantah leh kum themthiamna lam an thlang chu Mizoram leilung hausakna leh Mizo nunphung nen a inrem hle tih a sawi a; nasa zawka ṭan la zel turin a fuih.

Hawnna inkhawma khualzahawm Lalbiak­zuala, Central YMA president chuan, YMA-in puantah leh thiamhnáng lam hmasawnna kawngah theihtawp a chhuah ṭhin thu a sawi.

Hnam Chhantu Pawl hotupa Ramhmangaiha Ralte chuan, Fair-a an thil pho chhuahte chu a man pangngai aia tlawm veka zawrh a nih thu a sawi bawk.

Spring Fair 2017 hian March 17, 2017 thleng a awh dawn a; Mizo tah puan leh puan aṭanga thil siam dangte leh thing leh mau aṭanga siam thil chi hrang hrang lei theihin an pho chhuak a ni.