Festival of Innovation-ah zirlai 10 tír
New Economic Development Policy (NEDP) hnuaia Entrepreneurship Development Scheme (EDS) programme kalpui meka Innovation Club member zirlai 10-te chuan, March 8-9, 2017 chhung khan Rashtrapati Bhavan, New Delhi-a 'Festival of Innovation 2017' an chhim.
NEDP hnuaia EDS hi Planning department hmalakna a ni a, scheme atan hian Mizoram State Entrepreneurship Development and Monitoring Committee (MEDMOC) din a ni.
EDS kalpui turin MEDMOC chuan programme hrang hrang a duang a, chu'ng zingah chuan 'Exposure trip/study tour for young potential entrepreneurs' tih a tel a; a thawh khatna atan zirlaite zinga Innovation Club member 10 thlan niin, Festival of Innovation 2017-ah hian tirh an ni.
Festival of Innovation hi India President office hmalakna a ni a; a tum ber chu mahni ngaihtuahna hmanga thil ṭha ṭangkai tak tak siam chhuak ṭhinte hriat chian a, an thiamna tihhmasawn zel a ni.
Sorkar thuchhuah tarlan danin, NEDP (MEDMOC) hnuaia EDS hmalakna dang pakhatah college/university zirtirtu 10 thlan chhuahte tan March 20-24 chhungin NI-MSME, Hyderabad-ah trainers’ training (master trainer development programme) chi khat, intensive training neih leh tur a ni.