Chakmate'n Mizo naupang 3 kut an thlak - MZP

MZP sub-headquarters, Tlabung chuan thuchhuah siamin, nimin khan Mizo sikul naupang pathum - mipa pahnih leh hmeichhe pakhat, HSLC exam haw lam chu Chakma zirlai pasarihin kawng lakah tibuaiin, na takin kut an thlak niin an tarlang a; thil thleng hi an hriatthiam loh thu te an lungawi loh thu an sawi.

Tlabung MZP chuan, Mizote'n Chakmate kut an tuar fo chu an duh loh thu sawiin, "Tlabung MZP chuan Chakma zirlai pasarihte hi kan en liam mai mai dawn lo a, hmeichhia pawh kut an thlak hi kan dem tak zet. Zirlai pakhat phei chuan HSLC exam leh tur a exam theih loh phah a rinawm hle a ni," an ti a; Chakma zirlai pasarihte chu man a, hrem ngei turin thuneitute an phût a ni.