Entrepreneurship inhrilhhriatna buatsaih

NEDP hnuaia din, Mizoram State Entrepreneurship Development Monitoring Committee (MEDMOC) chuan nimin khan Lunglei Convention Centre-ah 'Entrepreneurship Awareness Campaign' an buatsaih a, Higher & Technical Education secretary Benjamina'n a hmanpui.

Benjamina chuan, sorkarin mi zawng zawng thawh tur hna a siam thei lo tih sawiin, "Sorkar hna bakah eizawnna kawng dang kan dap a ngai. Sorkar chuan mimalin mahni kutkawih ngeia eizawnna (entrepreneurship) a hai chhuah nan Entrepreneurship Development Scheme a duang a ni," a ti.

Mizote chu kawng inkawhhmuh kawngah an indîm lutuk nia sawiin Benjamina chuan, "Entrepreneur ni tur hian hei hi kan hmachhawn ngam a, risk kan lak ngam a ngai," a ti a; mi dang tih dan entawn ringawt lo a, tui leh thiam zawngte hre chiang a, mahni thiam thil awmte hai chhuah a pawimawh thu a sawi.

Inkhawm hi MEDMOC member Dr Laldinliana Varte-in a kaihruai a, sorkar department official leh college zirlaite an tel a; zawhna leh chhanna hun hman a ni.