Anti-doping awareness buatsaih

Mizoram State Sports Council leh National Anti Doping Agency (NADA)-te ṭangkawp chuan, nimin khan Ramhlun Indoor Stadium-ah 'Anti-doping awareness in sports' tih thupui zirhona an buatsaih.

Seminar hi MSSC sports medi­cine Dr Lalzarmawia Khiangte-in a kaihruai a; NADA (NE Region)-a coordinator Dr Manakshi Saikia chu resource person a ni.

Dr Manakshi Saikia chuan, doping chungchanga NADA-in India rama hma a lak dante leh inkaihhruaina te, damdawi hman phal loh hmangtu infiammi hrem theihna dante a sawifiah.

Dr Manakshi Saikia chuan, khawvel hmun dang ang thoin India ramah pawh infiammite'n damdawi hman rûk an neih ṭhin avangin sports lamah harsatna a thlen ṭhin thu a sawi a, "Hei hi a reh theihna atan theihtawpa ṭanho a pawimawh," a ti.

Seminar-ah hian MSSC hnuaia sports association hrang hrang coach-te an tel a, sawihona hun zawh­na leh chhanna hun hman a ni.