Chhiatna hmachhawn dan inzirtir

Aizawl District Disaster Management Authority (ADDMA) chuan, nimin khan Vanapa Hall-ah T Romana College zirtirtute leh zirlaite pual­in chhiatna hmachhawn dan zirna an buatsaih a, National Disaster Response Force (NDRF) mithiamte'n chhiatna laka inven dan leh chhiatna hmachhawn dan an zirtir.

Familiarization Exercise tia vuah hi T Romana College associate professor leh Disaster Management Cell-a chairman Lalsangzela Pachuau-in a kaihruai a; NDRF mithamte'n chhiatrupna lo thleng thei chung­chang, mipui vantlang him zawkna tura hmalakna kalpui dan turte leh chhiatrupna a thlen palha chhanchhuah hna thawh dan turte an zirtir a ni. Exercise-ah hian zirlai leh zirtirtu mi 750 vel an tel.