Office memorandum hâl tum

Trade Union Coordi­nation Committee (TUCC) chuan, January 31, 2017-a DPAR office memo­randum chhuah chu engi­neering department-a muster roll-te dinhmun rahbehnaa an ngaih thu an tarlang a; memorandum chu March 24, 2017 hmaa sût an phût a, sût a nih loh chuan March 28-ah Vanapa Hall kawtah office memorandum copy hâl an tum.

TUCC-ah hian trade union pali - NTUM, FOMTU, CITUM leh LUM-te an tel a; nimin khan NTUM pisaah ṭhukhawmin, DPAR office memorandum sût phûtna leh sût a nih loha hmalak dan tur an rel a ni.