ZNP-in zirlai 3 kutthlak an dem

ZNP ṭhalaite chuan thuchhuah siamin, March 14, 2017-a Tlabunga Mizo naupang pathumte HSLC exam haw lam Chakma zirlai pasarihin kawng lakah tibuai a, kut an thlak chu an hriatthiam loh thu an tarlang a, "A lungawithlak loh kan ti hle a ni," an ti.

ZNP ṭhalaite chuan, Chakma zirlai pasarihte chu a rang thei ang bera man a, an phû tâwka hrem ngei turin sorkar an phût a; vote duh vanga Chakmate vulh liantu party-te chu inbihchiang a, Mizorama Chakmate tihuangtautu an ni tih inhre turin an chah bawk.