Mi kutttlakah minister John-a puh

MNF ṭhalaite chuan thuchhuah siamin, Transport minister John Rotuangliana leh a hote'n Kolasib-Bairabi inkar kawngpui siamtu Sunshine Overseas Ltd. hnuai­a thawk tipper MZ-01 G-9490 driver leh hna thawktu pakhat kut an thlâk niin an tarlang a; an dem thu an sawi.

MNYF chuan, driver leh hna thawktu pakhat kut thlak an nih avang­in kawng siamtute'n hnathawh an phur loh phah bakah, ṭhenkhat chuan an thawk chhunzawm duh lo niin an sawi a, "A tûk March 9 khan kawng siamtute lungawi lo chuan an kawng siam an chawlhsan a ni," an ti.

Mizoramah kawng a chhiat em em lai leh mipuiin an tawrh nasat tawh laia kawng siam ṭhatute minister leh a ṭhuihruaite'n kut an thlak chu an dem thu sawiin MNYF chuan, "Tun hnuah thleng tawh lo turin kan duh," an ti a; kawng siamtute chu an thiam emaw, thiam lo emaw, mipui thlan minister-te'n kut an thlak chu thil inhmeh lo tak a nih thu leh, dan bawhchhiaa mi kutthlaktu chungah dan hmanga action la ngei turin sorkar an phût thu an sawi bawk.