Aizawla kawng zauh tur sawiho

New Economic Deve­lopment Programme (NEDP) hnuaia Aizawl khawpuia traffic tâwt tihziawmna tura hna kal mek ‘Junction Improve­ment within Aizawl City’ chungchang sawi­ho­na, nimin khan IPR con­ference hall-ah buat­saih a ni a; UDPA minister Zodintluanga'n a hmanpui.

Sawihonaa tarlan danin, junction improve­ment atan hian kumin 2016-17 chhunga hma­lakna tur hmun pali ruahman a ni a; hmun pakhat - Pi Pangi Pêng kawngpui zauh chu zawh thawkhat a ni a, hmalak belhna tur tlem a la awm. Hmun dang pathuma hmalak tumnate chu - Mille­nnium Centre junction, Bawng­kawn junction leh Vaiva­kawn-Hunthar junction-te a ni.

Zodintluanga chuan, kawng pêngṭhuam zauhna tura ruahmanna awmsate bakah, Hunthar Venga Com­pany Peng junction pawh siam ṭha turin ruahmanna thui tak kalpui tawh a nih thu a sawi.

Sawihonaah hian UDPA, PWD, PHE, Police (Traffic) leh BSNL lam hotute bakah, a kaihhnawih tur veng - Dawrpui, Bawngkawn, Vaivakawn, Republic Veng leh Hunthar Veng aṭangin local council, YMA, MHIP leh MUP hruaitute an tel a ni.