Line bus tlan dan tidanglam

Traffic SP chuan thupek chhuahin, ITI Veng leh Treasury Square inkara line bus tlân dan turah ruahmanna thar siam a nih thu a tarlang. Thupek hi March 20, 2017-a hman ṭan tur a ni.

Ruahmanna thar siamah chauh hian line bus service-te chu tlân leh din phal a ni a, a dinna tur hmun ruatah hian minute hnih aia rei din phal a ni lo. Thupek hi bawhchhiat a nih a, man an nih chuan Motor Vehicles Act, 1988 hmanga hrem theih a ni ang.

Ruahmanna thar
1) ITI Veng aṭangin Sikulpuikawn lamah tlânin, Peter Street, Khatla kaltlangin Aizawl Tennis Court leh Temple Square lamah an tlân ang a, Assam Rifles mandir bula kualin, Treasury Square aṭangin Republic Veng kaltlangin ITI Veng lamah a tlân ang.
2) Parking leh stand hranpa siamsak a remchan Ioh avangin Dak-inpui kawt (Treasury Square) leh Pi Pangi Pêng taxi stand thlen hma chiah (Treasury Square lam aṭangin) ZM Hostel kawtahte passenger pick-up leh dropping phalsak a ni.