KHAWTHLIR

Free clinic
Mamita NPCDCS, Mobile Medical Unit-te leh Mizoram University-a Social Works department-a second semester zirlaite chuan nimin khan Ṭuahzawl khuaah a thlawna inentirna an buatsaih. He free clinic-ah hian mi 126 an inentir a, Mamita Tocacco Cessation Clinic-a thawkte'n zûk leh hmuam ṭhat lohzia inzirtirna hun an hmang bawk.

Industry zirho
UGC bultumin nimin khan MIzoram University-a Department of Commerce leh Hrangbana College ṭangkawp chuan IPR conference hall-ah Mizorama mimalte'n industry ṭhan zelna atana hma an lak tumna leh hma an lak theihna sawihona an buatsaih a; thupui chu ‘Entrepreneurial endevaours for industrial growth in north east India and Mizoram in particular’ tih a ni.

YMA khawmpui
Awithangpa Group YMA chuan March 14, 2017 zan aṭang khan Hmarlutvunga Rún, Mualvumah conference an hmang a, Nilaini zan khan bialtu MLA Hmingdailova Khiangte-in a hmanpui. Nimin khan rorel inkhawm leh vantlang inkhawm neih a ni.

Lungleiah training
PHE department hnuaia Communication & Capacity Development Unit chuan nimin khan YMA sub-headquarters, Lunglei conference hall-ah ‘Grassroot Level Training on Water Quality Monitoring & Surveillance Programme for Hnahthial RD Block and Lungsen RD Block’ an buatsaih a; tui, thianghlimna leh hriselna inkungkaih dan leh tui ziaráng leh a endik chungchang zirho a ni.

Beihpui thlak dan tur duang
Serchhip district-a naupang kum 5 hnuai lamte thihna thlengtu langsar, khawsikpui (pneumonia) leh kawṭhalo (diarrhea) do beihpui thlakna tur chu nimin khan Serchip DC Dr Lalrozama hoin a pisaah duan a ni. Meeting-ah hian department hrang hrangte mawhphurhna sawiho a ni a, action plan siam nana an tih turte chu a rang lama an neih theih dan tur an rêl nghal a ni.