World Environment Day hmang

Nimin June 5 kha World Environment Day a ni a, thupui chu ‘Only one earth’ tih a ni. He ni pual hian June ni 3 leh ni 4 khan Mizoramah hun hman niin, thing phun a nih bakah rally buatsaih a ni.

World Environment Day pual hian Mizoram Pollution Control Board (MPCB) leh Aizawl District Education Office chuan Mizorama district hrang hrangah rally an buatsaih a; sikula Eco Club-a zirlaite leh an zirtirtu te, MPCB leh DEO-a thawkte an tel.

Aizawlah chuan Environment Day rally hi Chanmari kâwn leh Sikulpuikawn aṭangin ṭan a ni a, sikul 22-a zirlai 500 vel an tel a; kawng zawhin, Vanapa Hall kawtah an intâwk khawm.Day thupui 'Only one earth’ tih bakah, hman khat daih sarâng ṭhat lohzia, leilung a tihchhiat nasatziate inzirtir nan hman a ni a; rally-a telte chuan hman khat daih sarâng hmang tawh lo turin thu an tiam a ni.