World Environment Day hman a ni

District khawpuia awm lo sikul ṭhenkhat pawhin an remchànna hmunah rally an lo buatsaih a, zirlaite bakah khawtlang mipui telin, hman khat daih sarâng ṭhat lohzia inzirtirna thuziakte kengin an au rual a, hmang tawh lo turin an intiam bawk.

Champhaiah chuan World Environment Day pualin Champhai Forest Division hnuaia thawkte'n Champhai Zotlang hmun hluia Botanical Garden-ah Mizorama tualṭo thing chi 27 an phun.

Champhaiah hian Botanical Garden siam tum a ni a, June 2, 2022 khan EFCC Minister-in a lungphùm a phúm. Mizorama tualṭo thing chi hrang hrang dah khawmna tur atana ruahman a ni.

Inrinnia an hnatlannah hian herhsè, zuang, cháwmzil, khawkherh, thinguk, teipui, lenhmui, theitât, hlingsi, theifangbar, zawngṭah, Zotlaizawng/paivun, lumlêr, theichhawl, ngiau, tlaizawng, khuangthli, lamkhuang, theivawkmit, sakhithei, vau, archangkawm, kângṭêk, bulpui, char, ngaingaw leh pangkái te an phun a; thing chi khat ṭiak panga ṭheuh phunin, thing ṭiak 135 an phun a ni.