ZPM party-ah kalphung thar hmuh tur a awm lo - MPYCC

Congress ṭhalaite chuan, ZPM party-in an Val Upa Council (VUC) thuchhuah chu an sorkar hunah chauh zawm an tum nia sawiin, ZPM-ah kalphung thar hmuh tur a awm lo niin an tarlang.

MPYCC chuan thuchhuah siamin, ZONET TV-in an kawmnaah ZPM president Lalliansawta'n, VUC thuchhuak chu ZPM an sorkar huna zawm tur a nih thu a sawi niin an tarlang a, "ZPM President ṭawngkam aṭanga a lan dan chuan, ZPM aṭang hian kalphung thar pakhat mah hmuh tur a awm lo tih a lang chiang. MLA hlawh tihpun pawh VUC-in dodal ngam tura an MLA-te an tih laiin, kalphung mumal nei an nih loh avangin hlawh chu a pungin a la phûr phûrah an ṭang ta mai zawk a ni," an ti.

MPYCC chuan, Congress party chu president thar Lalsawta hoin 'Ṭhat loh theih lohna báwm' hmangin an insiamṭha mek nia sawiin, "He kan kalphungah hian eptu party kan nih lai aṭang pawhin nasa takin kan insiamṭha mek a ni," an ti a; an kalphung ṭha hmanga ram siam hna thawk turin mipui an sáwm a ni.