SEDP hi a dawng àwm takin an dawn a pawimawh - Ruatkima

MNF adviser Lalruatkima, minister of state chuan, SEDP sem ṭan mek chu a mamawhtute'n an chan zâ tur malsawmna a nih thu leh a dawng àwm takin an dawn a pawimawh thu a sawi

Lalruatkima hian June 4, Inrinni khan Electric Veng MNF political training a hmanpuinaah thu sawiin, "SEDP malsawmna sem ṭan mek a ni a, he malsawmna hi a mamawhtute'n kan chan za tur malsawmna a ni," a ti a; sorkar flagship programme tihlawhtling turin theihtawp an chhuah a ṭul thu sawiin, "Sem hmasaka chang ve lote pawh kan awm ang a, nakkum lamah pawh sem chhunzawm leh zel tur a ni ang. A dawng àwm takin he malsawmna hi an dawn a pawimawh," a ti.

Lalruatkima chuan, MNF chu Mizo hnam lungphûm, hnam thuthlung kengtu a nia sawiin, "MNF chu party dang ang kan ni lo a, Pathian leh kan ram tan titu kan ni. Mizo hnam a awm chhung chu MNF a awm ang," a ti a; BJP, Congress leh ZPM ten an neih ve loh innghahna an nei a, Pathian leh nationalism-ah an innghat tlat niin a sawi.