Minister-in Indoor Hall hmun tur a en

Sports & Youth Services minister Robert Romawia Royte chuan June 4, Inrinni khan Durtlang North a tlawh a, khawtlang hruaitute nen Multipurpose Indoor Hall siamna tura ruahman a hmunah a en.

Sports Minister chuan, Aizawl khawpuiin sport infrastructure ṭha a mamawh belh tam tih sawiin, "Volleyball competition neihna tlak hall siam tura lungphûm tawhna hmun hi YMA branch aṭanga dodalna avangin harsatna kan tawk," a ti a, Durtlang North nen mumal zawka sawiho lehin, indoor hall ṭha tak, national competition thlenna tlak sual chhuah theih ni se a duh tih a sawi.

Robert Romawia chuan, Durtlang area chu khualzinte hîp lehzual tura cheibawl tumin Tourism department-in hma an lak mek thu a sawi a; Pro Volleyball neih zawh tâkah Durtlang North Volleyball Club an champion chu a lawmpui thu a sawi bawk.

Multipurpose Indoor Hall hmun tur ennaah hian MLA H Lalzirliana leh Aizawl mayor Lalrinenga Sailo te pawh an tel a ni.