Damdawi-in fai lawmman dawn lawm

Champhai District Hospital chuan June 4, Inrinni khan damdawi-in fai inelna, Kayakalp-a kum 2020-a Commendation Award leh kum 2021-a lawmman pathumna a lak an lâwm a, Health & Family Welfare board vice chairman Dr ZR Thiamsanga, Champhai North bialtu MLA-in a hmanpui.

Dr ZR Thiamsanga chuan, hun eng emaw chen aṭanga damdawi-in fai inelna buatsaihah Champhai District Hospital chu a ti ṭha ber zingah a tel ṭhin thu a sawi. Champhai District Hospital-ah Trauma Centre peih thuai tum a nih thu te, Ayush Hospital khum 50 awmna tur siam tum a nih thu te, cheng vbc 22 sênna tur Critical Care Hospital atan engkim tihfel a ni a, phalna hmuh a nih tawh thute a sawi bawk.