3rd MAP hmuna Police Centre hawng

Mualpuia 3rd. Battalion MAP parade ground sira tribal girls hostel sak thar, 'Police Centre' tia vuah chu nimin khan parliamentary secretary (Social Welfare) K Lal­rinthanga'n a hawng.

He building hi Mizoram Football Association leh Tata Trusts nen ṭangkawpin Centre of Excellence hostel atan an hmang dawn.

Police Centre sakna tur hian Social Welfare department leh North East Consultancy Services (NECS)-in thuthlung an ziak a; a sak hna pawh NECS-in an thawk a, a sakna tura sum ruahman (project cost) chu Rs. 3,81,50,000 a ni. Building hi chhawng li a ni a, April 28, 2014-ah sak ṭan niin, August 2016-ah sak zawh a ni.

Police Centre (hostel) hi mi 50 awm theihna tura ruahman a ni a; Centre of Excellence (residential academy) atana hman tura tih a ni. Hemi atan hian Police department leh MF) ten thuthlung an ziak a; MFA-in kum hnih chhung hostel atan an hmang dawn a, kum hnih hnuah Police-in an nei/enkawl chhunzawm ang.

MFA-in hostel atana an hman chhung hian Tata Trust aṭanga sum an hmuh hmangin a chhung chei ngaite an chei dawn a ni.