Lei him tâwk lo a awm lo - CM

PWD changtu, chief minister Lal Thanhawla chuan, tun dinhmunah Mizoramah lei him tâwk lo a awm loh thu a sawi a, "Mizorama leite hi chei ṭhat vek tum a ni," a ti.

MNF member Dr K Beichhua zawhna chhangin Chief Minister chuan lei him tawk lo a awm loh thu a sawi rualin, "Khawvel a ni a, eng emaw vangin a him tawk lo thei. Inspection tih laia himte ram leilung vangin emaw, thil dang vangin a him lo thei," a ti a; temporary bridge-te chu phal chin aia rit phurin an zawhin a him loh thu a sawi.

Lei him lo a awm loh chuan vengtu dah lo mai Dr K Beichhua'n a rawt chungchangah Lal Thanhawla chuan, "Leite hi vên deuh vek an ni a, a kilhna rûkte a lo nih ṭhin avangin. Chu bakah, phal chin aia tam phura zawh tum phêtte an awm ṭhin a ni," a ti.

Chief Minister chuan, lei hlui deuh tawhte thawm ṭhat a nih theihna atan sorkar laipuiah thlen a nih thu sawiin, "Temporary bridge-te hi zawh tura phurh thei chin bituk siam a ni ṭhin a, lei ṭhenkhat chu a hlui tawh avangin a tira a zawh thei chin bituk aia zâng bak zawh phal lohte pawh a awm," a ti a; lei hlui tawhte chu thawm ṭhat tum mek a nih thu a sawi.