Panel lawyer-te pual training

Mahni sum sênga ukil ruai thei lote tana sorkarin ukil a rawih sak ṭhin, panel lawyer-te pualin nimin khan Lungleia DRDA conference hall-ah 'Training of Remand Advocates/Retainer Lawyer' tih thupui hmangin training buatsaih a ni.

Training hi Lunglei additional district & sessions judge Helen Lal­dawngliani, Lunglei District Legal Services Authority secretary ni bawkin a kaihruai a; ukil rawihna tur nei lote tana sorkarin ukil a rawihsak ṭhin chu mi rethei leh harsa zawkte'n an chhawr ṭangkai hle tih sawiin, mipui aiawha Court-a ding ṭhin an nih angin, an thil zir leh hriatte ngun taka ngaithla turin panel lawyer-te a chah.

Training-ah hian advocate B Lalramenga'n 'Criminal Procedure Code' tih thupui a sawi a; advocate Lalfakawma'n 'Criminal Procedure Code & Professional Ethics' tih thupui a sawi thung.