Bairabi Tlawng lei May thlaah zawh beisei

Bairabi-a Tlawng lui chunga lei dawh mek chu March 2017-ah lirthei zawh theiha dawh zawh hman tum ni mah se, an zo hman dawn lo a, kumin May thla tawp lamah zawh hman beisei a ni.

Bairabi Tlawng lei dawh mek, kum 2007 aṭanga dawh ṭan hi March 16 khan Hachhek Constituency Development Committee (HCDC) hruaitute'n a hmunah an tlawh a; thuneitute'n March 2017 chhunga dawh zawh hman a nih tur thu an lo sawi tawh chu a hlawhtling dawn em tih an enfiah a ni.

HCDC thuchhuah chuan, "Hna thawh vil/vengtu lam chuan March thla chhung chuan lirthei kal theiha peih hman a nih loh tur thu min lo hrilh a, May 20, 2017 hma erawh chuan lirthei zawh theih tura peih hman an tum thu an lo sawi a ni," an ti.