Kolasib MUP-in khawmpui an hmang

Mizoram Upa Pawl (MUP) sub-headquarters, Kolasib chuan nimin khan Parish Hall, Kolasib Venglaiah inkhawmpui an hmang a, bialtu MLA PC Zoram Sangliana'n a hmanpui.

PC Zoram Sangliana chuan, kum lama upate chu awm âwl mai tum lo a, ram leh hnam tana thluak sênga hma la ṭhin tura a fuih a, "In insuihkhawm tlat hi in fakawm hle," a ti a; MUP member-te chu ṭhalaite nun ze mawi zirtir fo ṭhin tur leh kawng kawhhmutua ṭang zel tur a chah. Bialtu MLA hian Kolasib MUP hennah inkhawmpui hmanna atan Rs. 20,000 a hlan a ni.

Inkhawmpui hi an president C Lianzuala'n a kaihruai a; secretary HF Sena tarlan danin, MUP Kolasib Sub-Hqrs. huam chhungah member 6,613 an awm mek a, nikum khan an member 302 an thi a ni.