Festival of Tribal Dance-ah MIDO tel

20th March, 2017

Mizoram Drama Organisation (MIDO)-te chuan March 15-17, 2017 chhunga Tinsukia, Assam-a Festival of Tribal Dance-ah Mizo hnam làm an entir a; vawiin hian Aizawlah an rawn thlen leh beisei a ni.

MIDO-te hi National School of Drama (NSD), New Delhi leh Assam sorkara Cultural Affairs department-te buatsaih Festival of Tribal Dance-ah hian tel tura sawm an ni a; team leader Vanlalhuma Khawhring leh manager Lalthanghuma hoin member 15 an kal.

Festival of Tribal Dance hi March 15-ah Tinsukia-a Gottong playground-ah ṭan a ni a; MIDO-te hian March 16 zanah Buhza Aih Cheraw an entir a, March 17 zanah Chheihlâm an entir bawk. Festival of Tribal Dance-ah hian India hmarchhak state tin aṭangin hnam lâm an entir ve bawk a ni.