Mt. Rephidim Park hawng

Bung Banglaa Mt. Rephidim Park chu Inrinni khan Tourism minister John Rotluangliana'n a hawng. Minister chuan, Park chu naupangtê aṭanga puitling thlenga an lên theihna hmun a nih avangin ṭangkai taka hman a nih a beisei thu a sawi.

Tourism Minister chuan, Mizote chu hna thawh ṭhat lamah hma an sawn viau tih sawiin, "Thawh nachang hre lo karah taima leh ṭhahnem­ngai tak tak an awm hi a lawmawm hle. Kan thawh hah hnua taksa tihhahdam nachang kan hriat erawh a pawimawh. Taima leh hah taka hna thawh hnua hahdamna hun ṭha neih loh chuan hriselnain a tawrh theih avangin, hlim tak leh nuam tak, rûi buai si loa hahchawlhna hun kan insiam a ngai a ni," a ti.

Mt. Rephidim Park-ah hian naupang intihhlimna hrang hrang - trampoline, swimming pool, wall climbing, etc. a awm a; puitling tan pawh tih tur hrang hrang a awm a ni.