Kalphung tharah chuan kut hnathawktute Harsatna sorkarin a zâwt ang - ZPM MLA

ZPM MLA VL Zaithanzama chuan kut hnathawktute'n hmangaihtu an mamawh tak zet tih sawiin, "Kalphung tharah chuan sorkarin kut hnathawktute harsatna a zâwt zawk ang," a ti.

Nimina ZPM pisaa inkhawmah thu sawiin VL Zaithanzama chuan, "Tunlaiin kan ramah chuan kut hnathawktute'n sorkarah an harsatna an thlen ṭhin. Kalphung tharah erawh chuan sorkarin kut hnathawktute harsatna a zâwt ang a, a sutkiansak ṭhin zawk ang," a ti a; Mizoram hmun hrang hranga kut hnathawktute'n hmangaihtu leh ngaihsaktu an mamawh tak zet thu a sawi.

VL Zaithanzama chuan, Champhai leh Hnahlanahte sorkarin grape a chìntir tih sawiin, "Hun leh tha tam tak séngin a hlâwkna an tél chho ve dawn chauh tihah an thar chhuahte a man sak hlauh zawk hi a pawi tak zet," a ti.

Aizawl West-III MLA chuan, party tinin kut hnathawktute an inhmangaihsiak a, inthlan dawna an thupui leh auhla ber a ni ṭhin tih sawiin, "Kut hnathawktute'n a taka hmangaihtu an mamawh a, chu chu ZPM policy-ah a awm a, a sorkar hma hauh aṭangin theihtawp a chhuah nghal a ni," a ti a; kut hnathawktute tan a taka an chet chhuah a ṭul thu a sawi.

VL Zaithanzama chuan, central service-a tling pha Mizo an awm hlei thei ta lo chu pawi a tih thu sawiin, "Kan ṭhalai leh naupangte hian lehkhathiam an tlin a, hnam dang el phâk turin thiamna leh fi nna an kawl tih a chiang hlein ka hria. Kan education system hian a zir a ngai a ni," a ti.