Taxi enkawltute tan training buatsaih

Transport department, State Institute for Rural Development and Panchayati Raj (SIRDPR), Traffic Police leh Mizoram Taxi Association (MTA)-te chuan nimin khan Vanapa Hall-ah taxi khalhtu leh enkawltute tan training an buatsaih a, Rural Development minister Lalruatkima'n a hawng.

Lalruatkima chuan, taxi khalhtute chu an kutah mihring nunna hlu tak a awm tih hre tura chahin, "Fimkhur loh vang leh inthlahdah vangin pawisawi loin nunna an chán thei.

Fim khur kawngah theihtawp chhuah a, harh fim taka lirthei khalha enkawl a pawimawh," a ti a; eizawnna huang chhungah danin a phal leh phal lohte hre reng turin a chah.

Minister chuan, taxi khalhtute chu an ṭhatna leh hawihhâwmnate mipuiin an hriat reng thu te, mi rinawmte rinawmzia pawh social media-ah leh chanchinbuahte tlangzarh a nih fo thu leh ram changkang apiang ah mipui phur bik an chawimawi ṭhin thute a sawi.

Training hi SIRDPR director Lalhmunsanga Hnamte-in a kaihruai a, MTA president Ralthanmawia leh Traffi c additional SP C Vanlal vena ten thu an sawi. MTA member 400 vel an tel.