MZP-in sorkara pension hun atan kum 60 ṭha an ti

MZP Gen. Hqrs chuan thuchhuah siamin, Mizoram sorkar hnathawkte pension hun chu kum 60 la ni se an duh thu an tarlang a, "Ṭhalai hna zawng mek leh dil mekte tan kawng zau zawk a inhawn zel theih nan pension kum tisang lo turin Mizoram sorkar kan ngen a ni," an ti.

MZP chuan, Mizoram Subordinate Services Selection Board (MSSSB)-in tun hnaia Combined Graduate Level Examination a buatsaiha hna hrang hrang a lakah, Mizo tling leh tlâk an awm laia hnam dang pathum lak tel a ni chu pawi an tih thu leh an ngaih thu tak thu an sawi a, "Tun hnuah Mizoram sorkar hnuaia hna lak reng rengah a tling leh tlak zingah Mizo duhsak zel tawh turin kan ngen," tiin, a ṭul angin en zui zel an tum thu an tarlang.