Ni 427 hnua hripui vei hmuh tlem ber ní

June 5, Pathianni khan Mizoramah Covid-19 vei mi pali hmuh chhuah a ni a, ni 427 hnua hmuh tlem ber ni a ni. Nimin khan hripui vei dam tawh mi 18 chhuahtir an ni a, Covid-19 positive thi an awm lo.

Pathiannia Covid-19 positive hmuh chhuahte chu Rapid Antigen Test hmanga hmuh chhuah vek niin, positivity rate 9.76% a ni a, endikna hmanraw dang hmang swab sample endik a ni lo.

Mi palite chu mipa leh hmeichhia pahnih ve ve an ni a; Aiduzawl khaw mi pahnih leh  eiriat leh Tlabung mi pakhat ve ve an ni. June 5, 2022-a Covid-19 positive hmuh chhuah zat pali chu ni 427 hnua hmuh tlem ber ní a ni a; ni 427 kal ta, April 4, 2021 (Pathianni)-a mi pakhat chiah hmuh chhuah a nih hnua hmuh chhuah tlem ber ní a ni.

IDSP record angin, Mizoramah Covid-19 vei 2,28,404 hmuh chhuah a ni tawh a, mipa 1,06,343 leh hmeichhia 1,22,061 an ni a, mipa aiin hmeichhia 15,718-in an tam zawk. Nimin tlai dar 5 thleng khan mi 2,27,617 (99.66%) chhuahtir an ni tawh a, mi 700 (0.31%) thi tawhin, enkawl mek mi 87 (0.03%) an awm.

Covid-19 positive enkawl lai mi 87 hi April 8, 2021 hnua mi 90 aia an tlem lehna hmasa ber a ni.Nimin tlai dinhmun angin, Mizoramah hripui vei enkawl lai mi 10 aia tamna district pathum chiah a awm tawh a, a tamna ber Aizawl district-ah mi 26 an awm. District pathum - Siaha, Champhai leh Lawngtlai district-ah hripui vei an awm tawh rih lo.