India champion Mizo tlangval

National Aem Wrestling Championship vawi 44-na neih zawh takah Mizoramin bung thar a kai. ITI Veng tlangval Lalruattlunga chu 'Champion of Champion' a ni a, tun hmain hetiang dinhmun hi Mizo zingah luah thei an la awm ngai lo.

Hyderabad-a inelna neihah Lalruattlunga hi -80kg huangah a khel a, an category champion ni tur hian Madhya Pradesh mi a hneh. Chumi hnuah weight categor y hrang hrang champion-te an intum kual leh a, hetah hian a chak ber tihna a ni.

Inelnaah hian Mizoram aṭangin player 23 an feh chhuak a, medal 29 teh meuh an hlawh chhuak. Official pahnih bakah coach leh manager ten Mizoram team hi an ho a, team enkawltute hian hlawhltinna an chan avanga an lawm thu Vanglaini an hrilh.

Mizoram hian gold medal ringawt pawh 15 an la, heng bakah hian silver medal pariat leh bronze medal paruk a la tel bawk.