Zawrh tur awm loh vangin Sa zawrhna dawr khâr a ni
AH&Vety minister C Ngunlianchunga chuan MNF member Lalruatkima zawhna chhangin, Aizawla Modern Meat Shop hawnte chu sa thianghlim zawrh tur an neih loh avangin khâr a nih thu a sawi.
C Ngunlianchunga tarlan danin, Modern Meat Shop hi hmun 11 hawn a ni a, AH&Vety department-in deep freezer leh meat tray an hawhtir a ni. Dawr khâr a nih tawh avangin deep freezer leh meat tray an la let a, Slaughter House, Mualpuia hman tura dah a ni.
AH&Vety Minister chuan, Mizoramah PRRS a lên avangin sa thianghlim talh tur a van thu sawiin, "Bung Bangla-ah kum 2012 khan Slaughter House din a ni a, kalpui hleih theih a nih loh avangin mimal hnenah pek a ni," a ti.