Rualbanlote chungchang sawiho

Zoram Entu Pawl (ZEP) leh Ferrando Women Development Centre (FIWDC-Peace Home)-te chuan nimin khan 'Issues of Persons with Disabilities' tih thupui sawihona hun an buatsaih.

Convergence meeting-ah hian ZEP hnuaia CBR Project coordinator Lal­hun­mawia chuan, ZEP CBR Project-ah rualbanlo 216 an awm mek thu a sawi a; FIWDC-Peace Home CBR coordinator C Malsawmtluanga chuan FIWDC hnuaia CBR Pro­ject-ah rualbanlo 329 an enkawl mek thu a sawi bawk.

Social Welfare joint director Dr Lalnunthara pawhin Social Welfare department-in rualbanlote tana an hmalaknate sawi­in, Mizorama rualban­lote'n rinawmna an mamawh thu leh rinawmna nei rualbanlote tan sorkar a inhawng a, ei leh bar zawnna kawngah pawh bul ṭanna a awm zel tur thu a sawi.

Persons with Dis­abilities (PwD) assistant commissioner B Kapliana chuan, Mizorama rual­banlote dinhmun a sawi danin, kum 2011 chhiar­pui ang chuan Mizoramah rualbanlo mi 15,160 an awm a, Mizoram mihring zat aṭanga chhûtin 1.3% an ni.

SSA Aizawl district coordinator Albert Malsawmdawngliana'n SSA hnuaia rualbanlote tana hmalak dante a sawi a; Transport depart­ment deputy director Vanlalhruaia'n Transport department-in rualbanlote tana scheme a neihte a sawi. Advocate Lalfamkimi'n 'Rights of Persons with Disabilities Act, 2016' chungchang a sawi bawk.