Zira thusawi - hmai phih tumnaah ngai

MPC party chuan thuchhuah siamin, Excise & Narcotics minister R Lalzirliana'n zu zawrh chungchanga tun hnaia thu a sawi chu hmai phih tumna maia an ngaih thu an tarlang.

MPC chuan, March 17-a Cong­ress Bhavan-a Excise & Narcotics Minister-in Congress party leh Mizoram sorkarin zu an sawi mawi ngai lo a, Total Prohibition kan neih lai pawhin zu a awm lo chuang lo a, ko i'n thlak hlek teh ang u, tiin zu kan zuar ta mai chauh a ni tia a sawi hi mipuite laka hmai a phihfai tumna ṭawngkam maiah kan ngai. Corruption hi a zung nena phawia kan phoro theih si loah chuan, kan thlah zalen law law mai dawn tih nen thuhmun rengah kan ngai," an ti.

MPC party chuan, Mizoram SSA Teacher Association (MSSTA)-te'n School Education department-a regular post siamsaka dah nghet tura Mizoram sorkar an phût leh Mizoram CSS Hindi Teacher Association-te'n state plan-ah dah tura Mizoram sorkar an phûtnate chu a rang thei ang bera tihhlawhtlinsak turin sorkar an phût tih an tarlang bawk.