Corpus fund vbc. 155.56 a awm

Finance minister Lalsawta chuan, tun din­hmunah Mizoram Health Care Scheme hnuaiah corpus fund cheng vbc. 155.56 neih mek a nih thu House a hrilh.

MNF member Lal­rinawma zawhna chhang­in Finance Minister chuan, Mizoram Health Care Scheme hnuaia corpus fund cheng vbc. 155.56 neih mek aṭanga kum 2016-17 chhunga third quarter (December 2016) thlenga a pung sorkarin a hmuh tawh chu cheng vbc. 9.65 a ni tih a sawi.

Finance Minister tarlan danin, corpus fund hi bank hrang hrangah dah a ni a, a pun tamna ber Apex Bank, Treasury Square-ah chuan 9.55%-in a pung a, a pun tlemna ber IDBI Bank, Chan­mari-ah 8%-in a pung.

A pun tamna bank-a dah a nih vek loh chhan zawhna chhangin Lalsawta chuan, "Bank-a pawisa dah dawn hian fimkhur a ngai a, bank-te financial position-te ngaihtuahin, an tan leh kan tana ṭha tur kan zawng a ni. A pung tam apiang ûm hi kan chêtsual fona a nih avangin fimkhur a ngai," a ti.