UPC ṭhalaite'n PYD Day an hmang

UPC (North East India)-a ṭhalai pawl, Pen­­tecostal Youth De­partment-te chuan nimin khan Mi­zoram hmun hrang hrangah PYD Day an hmang.

PYD Day-ah hian UPC (NEI) tualchhung kohhran leh bial hrang hrangte chuan intihhlimna leh infuihtharna te, vantlang tana thil ṭha tihna hunte an hmang a; PYC tam zawk chuan vantlang inthiarna leh zun-in te, community hall leh Health sub-center-te tifaiin an hnatlang a ni.

PYD Day pual hian PYD headquarters leh Chaltlang bial PYD-te chuan nimin khan Aizawl Civil Hospital-ah thisen unit 39 an pe a, a petute mipa 29 leh hmeichhia 10 an ni. PYD (NEI) Lawng­tlai pastor bialte pawhin Lawngtlai District Hospital-ah thisen unit 12 an pe a, a petute mipa pariat leh hmeichhia pali an ni.

PYD hi March 21, 1969-ah Shillong Peak Hotel-ah din a ni a; tunah hian UPC NEI huam chhunga UPC kohhran 531-ah PYD member 19,933 an awm mek.