Dr K Beichhua lawmthu hrilh

Health minister Lal Thanzara chuan, MNF MLA Dr K Beichhua chu emergency-a damlo a zai dam avangin nimina Assembly session-ah lawmthu a hrilh.

Lal Thanzara'n House a hrilh danin, February 22, 2017 khan Siaha District Hospital-ah pumpui pawp zai ngai a awm a, chutih hunlai chuan damdawi-ina mi zaithiam (surgeon) chu Aizawlah training-a a awm lai a ni. Surgeon a awm loh avang hian Dr K Beichhua chuan tlawmngaiin damlo hi a zai a, hlawhtling takin a zai dam a ni.

Health Minister chuan, Dr K Beichhua lakah hian Health department enkawltu a nihna angin lawmthu a sawi tih House ah a sawi a ni.