Tuialhthei lak theih zat bithliah

Assam Petroleum Mazdoor Union-te March 20 aṭanga tiam chin awm loa an nawrh ṭan avangin Supply dept. chuan Mizorama petrol pump-te'n ni khata motor pakhata petrol leh diesel an hralh theih zat tur nimin khan a bithliah.

Sorkar thuchhuah tarlan danin, pump neitute'n petrol litre 5,000 leh diesel 6,000 an neih chinah Supply Director hnenah ni tin tuialhthei an neih dan dinhmun an hriattir ṭhin tur a ni.

Petrol leh diesel-te hi bûr hmanga lak phal a ni lo a; litre 2,500 chinah chuan FCSCA Director phalna/permit nei lo hnenah pek chhuah loh tur a ni bawk.

Petrol leh diesel lak theih zat
# Lirthei Lak theih zat
1. Two wheeler Litre 5
2. LMV Litre 10
3. Maxicab/pick-up/407/Gypsy Litre 20
4. Truck Litre 100
5. City bus Litre 30
6. Buhfai phur truck (Challan enin kal lam leh haw lam daih)