MPCB-in pollution chungchangah khauh zawka dan lekkhawh an rel

Mizoram Pollution Control Board (MPCB) hotute Marrch 20, 2017-a PCCF pisa conference hall-a an chairman RC Thanga hoaṭhukhawm chuan, khauh zawka dan kenkawh an rêl.

Meeting-ah hian MPCB member secretary C Lalduhawma'n report a pe a; MPCB hmalakna kal zelah Lungli luia tuibur thlawrna chu magistrate-te'n titawp tura an tih hnuah tuibur thlawrtute'n Court-ah an khin thu te, Tuiriala bawlhhlawh hâlna khu chungchangah YMA-in sorkar an khin thu leh, pollution case hrang hrangah National Green Tribunal (NGT)-ah case a tam thute a tarlang.

Hengte avang hian MPCB chuan, khauh zawk leh chak zawla hmalak ni se, an ti a, 'Khauh zawka dan lehkhawh hi Court duh dan nia a lan avangin ṭan lehzual ni se. Dan loa industry dingte pawh ûm zui zel ni se," an ti.

Meeting-ah hian, kum 2002 aṭanga din ṭan tawh Eco Club chungchangah, sorkar laipui lamin sum a pek belh avangin sikul tam zawkah Eco Club din belh a nih thu an tarlang a, tun dinhmunah Mizorama sikul 1,890-ah Eco Club din tawh a nih thu an tarlang.

Central Pollution Control Board nen ṭangkawpa din tur, ni tina boruak bawlhhlawh enfiahna leh a result pawh display board-a lang nghal zel thei chi Continous Air Quality Monitoring Station, cheng nuai 110 man chu din ve ngei ni se, tiin an rel a; Continous Air Quality Monitoring Station dinna tur hian sorkar laipuiin senso 90% a tum thei a ni.

Tuna hmun 11-a National Ambient Air Monitoring (NAMP) chu tih belhin, Siaha, Lawngtlai, Serchhip leh Mamit-ahte NAMP station pahnih ṭheuh din belh an remti. Lirtheiin khu a tihchhuah chungchangah, Pollution Under Control Certificate nei lo motor an la tam avangin, PUCC nei lo motor-te chu dan anga chawitir zat zat an nih theih nan Traffic Police leh Transport department thuneitute nen thawhho ṭhat lehzual dan kawng zawn an rel bawk.