Kolasib leh Mamitah tui zirho
PHE department-a Communication and Capacity Development Unit (CCDU) chuan, nimin khan Mamita IPR conference hall-ah tui tihthianghlim dan tur leh enkawl dan tur zirhona, 'Grassroot level on Water Quality Monitoring and Survaillance Programme' an buatsaih a; Mamit DC Lalbiak-sangi'n a hmanpui.
Mamita training-ah hian Mamit bakah, a chhehvel khua - Bâwngvâ, Dárlâk, Dàmpui, Dâpchhuah leh North Sabual khuaa khawtlang hruaitute an tel a ni. Kolasib-ah pawh Grassroot level on Water Quality Monitoring and Survaillance Programme buatsaih a ni a, Kolasib DC H Lalengmawia'n a hawng.
Kolasib-a training-ah hian Kolasib district chhunga Village Water & Sanitation Committee member te, V/C te, YMA leh MHIP member-te an tel a; Kolasib-a PHE SDO Liantluanga Chohte, State Referral Institute-a chemist T Pahlira leh PHE District Laboratory-a chemist R Laltanpuia ten thil pawimawhte an zirtir a ni.