COVID-19: Mizoram dinhmun Ni 2 chhungin +ve 34 hmuh a ni

November 27, Zirtawpni khan Mizoramah Covid-19 vei mi 18 hmuh chhuah a ni a, November 28, Inrinni khan mi 16 hmuh chhuah a ni bawk. Inrinni leh nimin khan hripui laka fihlîm tawh mi 73 chhuahtir an ni thung.

November 27-a hripui vei hmuh chhuahte chu mipa 12 leh hmeichhia paruk an ni a; ZMC laboratory-a hmuh mi pariat, TrueNAT-PCR hmanga hmuh mi pakhat leh Rapid Antigen Test (RAT) hmanga hmuh mi pakua an ni.

Inrinnia hmuh chhuahte chu mipa 13 leh hmeichhia pathum an ni a; ZMC-a hmuh mi pali, TrueNAT-PCR hmanga hmuh pakhat leh RAT hmanga hmuh mi 11 an ni.

Inrinni leh nimin khan Covid-19 laka fihlim tawh mi 73 chhuahtir an ni. Inrinniah mi 58 - Aizawl district-ah mi 35, Lawngtlaiah mi pakua, Lungleiah mi pasarih, Serchhipah mi pali, Champhai, Saitual leh Hnahthialah mi pakhat ṭheuh an chhuak a; niminah mi 15 - Aizawl, Champhai leh Kolasib-ah mi panga ṭheuh an chhuak bawk.

Hetih lai hian, nimina chhuahtir zinga mi Champhaia mi pakhat chu Mizorama Covid-19 vei tawh record-ah telh a la ni lo tih nimin khan hriat chhuah a ni a; hei vang hian positive hmuh tawh zat leh enkawl mek zat pakhatin a pun phah a ni.

Mizoramah Covid-19 positive mi 3,823 hmuh chhuah a ni tawh a, mipa 2,820 leh hmeichhia 1,003 an ni. Nimin tlai dar 5 thleng khan mi 3,440 (89.98%) chhuahtir an ni tawh a, mi panga (0.13%) thi tawhin, enkawl mek mi 378 (9.89%) an awm.

Covid-19 positive hmuh tawh mi 3,823 zinga mi 1,786 chu Mizoram chhunga kái an ni a, mi 2,037 chu state páwn aṭanga rawn lût an ni.

November 27 khan Mizoramah swab sample 1,447 endik a ni a, ZMC-ah mi 485, TrueNAT-PCR hmangin district pakuaah mi 233 leh RAT hmangin district 11-ah mi 729 endik a ni. Mi 1,447 zingah Covid-19 positive mi 18 an awm.

November 28, Inrinni khan Mizo­ramah swab sample 1,058 endik a ni a, ZMC-ah mi 269, TrueNAT-PCR hmangin district pariatah mi 154 leh RAT hmangin district 11-ah mi 635 endik a ni. Mi 1,058 zingah Covid-19 positive mi 16 hmuh chuah a ni.

Sorkar thuchhuah tarlan danin, November 27-a ZMC-a hripui vei hmuh chhuahte chu mipa paruk leh hmeichhia pahnih an ni a, kum 6-56 inkar an ni. An zinga mi pali chu tualchhunga kái an ni a, mi pali dang chu state pawn aṭanga tun hnaia rawn lut an ni thung.

State páwn aṭanga rawn lut zinga pahnih chu - BSF sipai nupui kum 37 mi leh a fanu kum 6 mi an ni a, BSF Composite Hospital, Durtlanga sample test an ni. Manipur aṭanga rawn lut niin, symptom an nei lo.

Mi dang pahnihte chu - Zokhawsanga awm Assam Rifles sipai kum 37 mi leh Bethlehem Venga mipa kum 32 mi, Manipur aṭanga rawn lutte an ni a; quarantine facility-a awm lai, symptom nei lo an ni.

TrueNAT-PCR hmangin Serchhip District Hospital-ah hripui vei pakhat hmuh chhuah a ni a, Chhingchhipa awm mipa kum 20, Assam aṭanga rawn lut, Prem Kram Infracon hnuaia thawk niin, symptom a nei lo.

RAT hmanga hmuh chhuahte chu mipa panga leh hmeichhia pali, kum 23-70 inkar an ni a; mi paruk chu tualchhunga kái an nih laiin, pathum chu state páwn aṭanga rawn lut an ni.

State páwn aṭanga rawn lutte chu Serchhipa hmuh chhuah niin, BSF sipai mipa pathum, 60 Bn BSF hmunpui, Serchhip Dawngzawla awmte an ni a; Bihar Assembly inthlana duty zo rawn lêtte niin, symptom an nei lo.

Dawrpui Vengthar - 2: Mipa kum 14 & 38. Kai ṭanna hriat, symptom nei lo ve ve. 

ITI Veng - 2: Mipa kum 25 & 56. Hri kaina hriat loh, symptom nei lo ve ve. A upa zawk police.

Chanmari - 1: Hmeichhia kum 57, Trinity Hospital-a hmuh chhuah, symptom nei.

Zarkawt - 1: Hmeichhia kum 70, hri kàina hriat, symptom nei.

Lawngtlai Council Veng - 4: Mipa kum 23&38 leh hmeichhia kum 34&36. Hri kai ṭanna hriat vek, mi 1-in symptom a nei.

Sorkar thuchhuah tarlan danin, ZMC laboratory-a hmuh chhuahte chu mipa pathum leh hmeichhia pakhat, kum 23-53 inkar an ni a; an zingah tualchhunga hri kái pakhat a tel.

State páwn aṭanga rawn lutte chu Khawlian khuaa mipa kum 23, Megha­laya aṭanga haw leh BSF sipai pahnih, kum 24 leh 53 an ni a, BSF sipai pakhatin symtom a nei. 

BSF sipaite hi Bihar inthlanpuia duty zo rawn let an ni.

TrueNAT-PCR hmangin Siaha District Hospital-ah hripui vei mipa kum 31 mi hmuh chhuah a ni a, Shillong aṭanga haw, quarantine centre-a awm lai niin, symptom a nei lo.

RAT hmangin Covid-19 positive mi 11 hmuh chhuah a ni a, mipa pakua leh hmeichhia pahnih, kum 8-44 inkar an ni. An zinga mi pariat chu tualchhunga hri kái an nih laiin, mi pathum chu state pawn aṭanga rawn lut an ni thung.

State páwn aṭanga rawn lut zinga pakhat chu Lunglei Chanmari-a mipa kum 35, Mizoram police a ni a, Bihar inthlanpuia duty-te zinga mi a ni. 

Bihar aṭanga an haw hnua RAT leh TrueNAT-PCR hmanga endikah a negative ve ve a, quarantine hun hmang zoa a chhuah hnuah symptom a neih avangin endik nawn lehin, a positive tih hmuh a ni.

Mizoram páwn aṭanga rawn lut dangte chu - Champhai Bethel Venga mipa kum 40, Manipur aṭanga haw leh Serhmun khuaa mipa kum 26, Jharkhand aṭanga hawte an ni.

Chanmari - 1: Hmeichhia kum 46, hri kaina hriat loh, symptom nei.

Durtlang Leitan - 1: Mipa kum 29, symptom neih vanga Synod Hospital-a sample endik, kaina hriat loh.

Zarkawt - 2: Mipa kum 10, hmei­chhia kum 8. Kaina hriat ve ve, mipain symptom a nei.

Paithar - 5: Mipa 5 (kum 30, 34, 44 & 45) leh hmeichhia kum 43. Kaina hriat vek, pakhatin symptom a nei.