Edu Fest 2022 neih mek a ni

Zalen chanchinbu leh Lynchpin chuan nimin khan Millennium Centre chung záwlah 20th Edu Fest 2022 an buatsaih ṭan a, MJA president C Lalrambuatsaiha'n a hawng. Edu Fest hi vawiin­ah chhunzawm tur a ni a, chhun dar 11 leh tlai dar 5 inkarah tlawh theih a ni.

MJA President chuan, Mizoramin a mamawh chu thiamna bik nei skill labour-te an nih thu sawiin, "Hetianga zirna-in hrang hrangte kan ban phaka an rawn inpho hi a lawmawm hle a ni," a ti.

Mizoramin thiamna bik nei a thawn chhuak thei tih sawiin C Lalram­buatsaiha chuan, "Kan ram hian human resource a nei a, skill labour-te hi state páwnah kan thawn chhuak thei a, chumi atan chuan kan ṭhalaite kan zirtir a ngai," a ti a; Edu Fest 2022 chu a tam thei ang berin chhawr ṭangkai se a duh thu a sawi.

Edu Fest buatsaihtute sawi danin, Edu Fest-a tel institution-te chu UGC/AICTE accredited vek an ni a; paramedical courses, nursing, pharmacy, engineering civil, petro­leum, computer science, agriculture, humanities, allied science, gra­phic designing, medi­cal, engineering, ma­nage­ment, science, commerce leh stream dang dangte an ni. College ṭhenkhat chuan scholarship an pek theih bakah, tlang mite tan tuition fee an titláwm thei bawk.