Khuangchera Project: Huaisen Inzirtir hawng

Mizoram Youth Com­mission (MYC) buatsaih 'Khuangchera Project - Huaisen Inzirtir' tih chu November 27, Zirtawpni zan khan HYVE Hall-ah minister of state Lalruat­kima'n a hawng.

Lalruatkima chuan, MYC chu ṭhalaite hmathlir tipuitlingtu, lei rem an rahna tura kawng hrang hranga hma latu a nih thu sawiin, "An hlutna mipuiin kan hriat a pawimawh. Ramri-ah harsatna kan tâwk a, kan hnam pasalṭha ramri khaw hrang hranga awm te, mi tlawmngai leh huaisente MYC-in chawi­mawina nopui a dawmtir hi an phú hle a ni," a ti.

MYC chairman Dr Vanlalṭanpuia, MLA chuan, khawtlang rilru puthmang a ṭha zawnga kaihhruai MYC-in a tum thu a sawi. He hunah hian MLA Lalrinsanga Ralte pawhin thu a sawi bawk.

Inkhawmah hian Vai­rengte Joint VC Chairman, Phainuam VC President, Thinghlun VC President, Saihapui VC President, Laltinkaia (Vairengte), Phainuam nu ho (MHIP), Saihapui-V nu ho leh Malsawmkima, Vairengte-te hnenah tawlhloh puan, thuchei leh Rs. 10,000 ṭheuh hlan a ni.